Мұнай саласы айтарлықтай жаңалықтарға толы. Жыл өткен сайын өндіріске жаңа технологиялар көптеп енгізілуде.
Олар: шетелдік және отандық қондырғылар. Мәселен жерасты жөндеу бригадалары жұмысы түбірімен жаңарды. Бұрынғы қол жұмыстары автоматтандырылған болса, енді компьютерлік жүйеге көшуде.
Жақында «Жылыоймұнайгаз» мұнай-газ өндіру басқармасы үлкен қуанышқа кенелді. Өндіріске қуатты «ПАП-60» агрегаты жаңадан алынды. Бұл жүріп қозғалуға, ауыр жүктерді көтеруге ыңғайлы. Еңбек өнімділігін арттыруға да тигізер пайдасы зор. - Бұрын «Бакинец» тракторлары қолданыста болатын. Онымен көшіп-қону өте қиын еді. Ал «ПАП-60» қондырғысы жұмыс процесін жеңілдетті әрі өте ыңғайлы – дейді машинистер.
Жаңа техника ұңғысыкөп Тереңөзек мұнай өндіру цехына беріледі. Бұл жұмыстың тиімділігін арттырары сөзсіз.








